3.fl. Síðasta leik í Haustfaxanum lauk með sigri.

Stelpurnar í 3. fl. luku riðlakeppninni í Haustfaxanum á Ásvöllum í dag með stórum sigri á Selfyssingum 6-0.

Heimsskauta aðstæður voru á gervigrasinu (sjáðu Garðar það hafðist að með v-ið) í Krikanum í dag og því þurfti að finna leiknum annan stað. Það voru félagar okkar í Haukum sem komu okkur til bjargar og lánuðu okkur sinn völl og kunnum við þeim bestu þakkir fyrir.

Leikurinn fór rólega af stað en fljótt mátti sjá að þetta yrði baráttu leikur því mikið var um pústra og árekstra og kom það óneitanlega niður á gæðum fótboltans sem var ekki upp á marga fiska. Þær stúlkur úr sveitarfélagin Árborg eru baráttuglaðar og gerði það að verkum að FH-stelpurnar náðu ekki spila þann glimrandi fótbolta sem þær hafa sýnt undanfarið. Það kom þó ekki að sök því FH-ingar hreinlega óðu í færum. Það var Valgerður Björnsdóttir miðjumaður sem kom okkar stelpum á bragðið með bylmingsskoti úr aukaspyrnu vel fyrir utan teig. Uppfrá því var allt opið og í hálfleik var staðan 3-0. Sama sagan hélt áfram í þeim síðarri, stelpurnar sóttu og fengu ógrynni færa og þegar yfir lauk voru mörkin orðin 6 en þau hefðu auðveldlega geta orðið mun fleiri.

Mörkin skoruðu: Linda "Owen" Björgvinsdóttir 2 (...og hefur Linda þá skorað 12 mörk í mótinu), Valgerður Björnssdóttir 1, Klara Ingvarsdóttir 1. Þórun Káradóttir 1 og Helga Rut 1. Helga skoraði þar sitt fyrsta mark fyrir FH en hún gekk í raðir fimleikafélagsins í haust frá Grundarfirði og er þar mikill liðstyrkur því Helga er eldfljót og góður skotmaður. Við FH-ingar bjóðum Helgu innilega velkomna í okkar raðir.

Eins og fyrr segir hafa stelpurnar þá lokið keppni í faxanum og verður árangurinn að teljast góður. Fullt hús stiga og markahlutfallið 30-5. Sigur í riðlinum gefur sæti í úrslitaleiknum en honum hefur en ekki verið fundinn staður eða tími.

kv. davíð