4.Flokkur. Íslandsmót. B1 í öðru sæti og silfur. A-lið endaði í öðru sæti í A-riðli. Úrslitakeppni helgina 3-5. september

Heil og sæl

B1 hefur lokið keppni í Íslandsmótinu með góðum sigri á Val 3-2 á Vodafone-vellinum. B1 endaði mótið í öðru sæti og fær að launum sifurpening frá KSÍ.
Liðið hefur leikið feiknavel í sumar en liðið tapaði aðeins einum leik en aðrir enduðu með sigri.
Liðið lék ágætlega í dag en hefur þó spilað mun betur í sumar. Liðið er vel að þessu komið en í dag voru markaskorarar Hildur María, Kolbrún(sem fagnaði eins og óður maður í dag) og Konný. Nánari umfjöllun um B1 kemur inn á vefinn á næstu dögum.

B2 á eftir að spila þrjá leiki í Íslandsmótinu. HK-leikurinn verður á föstudaginn en tímasetning varðandi Þórsleikinn og Gróttuleikinn verður vonandi ljós strax á morgun.

A-liðið endaði svo keppnina í A-riðli í öðru sæti með sigri í hörkuleik gegn Val 1-2 sem var spilaður á Vodafone-velli þeirra Valsmanna. Glæsileg umgjörð var í kringum þessa tvo leiki og eiga Valsmenn hrós skilið fyrir umgjörðina. Leikurinn í dag einkenndist af mikilli baráttu en lítið um spil framan af. Seinni hálfleikur var mun betri hjá stelpunum og meira í átt við það sem við könnumst við frá þeim. Alda Ólafsdóttir var með tvö mörk í dag.
A-riðillinn var feikna sterkur í ár og því er það fínasti árangur að enda í öðru sæti með 21 stig og sæti í úrslitakeppninni.

Það er frí á æfingu á morgun en við æfum vel á fimmtudaginn og föstudaginn. Sjá nánar hér til hliðar, æfingatöfluna.

Munið B2 að kíkja inn á síðuna á morgun. Akureyrarferðin verður vonandi sem allra fyrst.

Kv. Þórarinn B. og Kári Dodda.