4.Flokkur. Stjarnan-FH á Stjörnuvelli á morgun og Bíóferð annað kvöld

Heil og sæl

Á morgun, miðvikudag, munum við etja kappi við Stjörnuna í Garðabænum og síðan eftir leik er stefnan tekin á höfuðborgina þar sem allur hópurinn fer í bíó.

Leikurinn hefst klukkan 16:45 og erum við búin að spila rétt fyrir 18:00. Mæting er 16:15 á Stjörnuvöll - gervigrasvöllinn. Við náum að spila heilan leik og munum við skipta ört inn á. Þeir leikmenn sem mættu á síðustu æfingu eiga að mæta, átján leikmenn alls. Bið ég þá leikmenn sem eru búnir að vera veikir og í leyfi frá æfingum að hafa samband við mig sem fyrst. Það verður kalt á morgun og bið ég leikmenn að mæta vel búnir til leiks og þá sem ætla að koma að horfa á.

Strax eftir leik eiga leikmenn að fara heim til sín og fara í sturtu og ný föt og er ætlunin að hópurinn hittist í Firði 19:00 og taka strætó til Reykjavíkur. Þar ætlum við að hoppa út í Kringlunni og fara á fjölskyldumyndina City of Ember .

Ég geri ráð fyrir að flestir leikmenn hafi ekki séð þessa mynd þar sem hún er nýkomin í kvikmyndahús og því tókum við þá ákörðun að fara á þessa mynd. Það sem leikmenn þurfa að taka með sér er fyrst og fremst góða skapið, peninga fyrir strætóferð,bíómiða og fyrir einhverju til að maula með myndinni. Geri ráð fyrir að 1500 eigi algjörlega að duga.
Myndin er búin um 21:40 og biðjum við foreldra vinsamlegast að sækja dömurnar í Kringlubíó.

Kv. Þórarinn B.